(Gambar nih bukan aku yang katik, tp aku dapat di MuhaBuka (FB)...kepada empunya gambar izinkan aku)
Wokiesss...hantaie pg sambat (jam 2:30 am) aku dpt phone call dri Pak'Guard Office ku, kedia bepadah ceramin main entrance Office kitaorg pacah kana sambar kilat.
Errrkkk?!
Dalam ati "Luan jua hantap kuat Guruh & Guntur malam ani sampai pacah ceramin!!!" Rumah pon begagar jua ulih nya. Sampai aku kan menyambung tido pon ketungkalan.
Jam 03:30am, ada lg ia messeg menyuruh Pak' Guard atu menyuruh sapa-sapa dtg melihat area opis, sbb ia karang ani lantung-lantung sorang-sorang.
(aku kn meround ke nuhun pagi-pagi sambat ani tah lg, allluuuummm pakah. Messeg nya ku abaikan, pikir nothing serious happenden)
Pagi-pagi lapas siap mandi kan bebaju, ada miss call dari Opis.
Inda batah, katak puru bebunyi (incoming msg).
Abang ku msg, ujanya jangan tah datang yard & opis hari ani. Semua org di area Rancha-Rancha Industrial Estate - ambit ASB singgan PML kana suruh mulih. PML melatup ujanya.
(kira-kira macam atuh tah usul msg nya...)
Huh?! Biar Banar nih...
Inda batah Boss SS call, betanya psl ani. Well inda kan dipadahkan arah boss aku kakal dirumah baru kan bebaju. Orittt Boss...saya yg menurut perintah, akan site visit kajap.
Jalan menuju ke area Rancha-Rancha Industrial Estate mcm langai saja, ada lg kejumpahan org exiden. Tp sebarang jalan, menuju ke area bandar punya la jammed. Dalam ati beucap lg, "Dangan semua melarikan diri dari tampat kejadian (unsafe area) aku tah pilang mehaga kawasan kejadian. Kira mcm Tornedo Chaser tia pilang."
Sampai-sampai area Preston Yard, ada 2 org abang Pulis bemotor mengimpa jalan. Semua kenderaan yg mau masuk area Industrial Estate ASB & PML kana suruh U-turn bebalik ke area bandar.
Aku yg luan hantap bahil, park luan-luan dapan-dapan brader Pulis 2 org atu.
"Selamat pagi, Tuan." (Formality musti mau punya)
"Selamat pagi."
"Apa sebenarnya berlaku ini, Tuan"
"Aikkk...tak kan kamu tak tahu ada kebakaran di area PML. Pihak kami diarahkan menutup sementara laluan ke kawasan ini."
"Semua tebakar ka, Tuan." (Kepala tejangul ke area ASB & PML, asap hitam bekapul-kapul naik. Peeerrrggghhhh...mcm serious banar la ini.)
Inda batah, beberapa brader-brader yg batah suda bepundukan sama kerita besia (semua pakai coverall berlainan colour & Company) ampir-ampir Abang-abang Pulis td turut menghampiri kami. Dorg pon sama jua bertanya in details.
"Huissshhh...kamu nih, tidak la semua habis terbakar. Saya pon kurang pasti jua apa yang terbakar sekarang ne. Kamu kerja di kawasan hujung ka?"
"H'ah...saya kerja area ujung depan PML Plan 1. Jadi, sekarang nih inda bulih masuk la, Tuan?"
Time kami orang bersesi soal-jawab tuh, ada satu kereta kelabu lalu-masuk area industrial tuh. Aikkkk?!! Apa Kesss???!!!!
"Errrkkk...tp kereta nih bulih pula bagi lalu-masuk?!"
"Kamu nih, tuh kan kereta POLIS."
Oh, OIC...sorry my mistake, saya inda pakai spek la Abang Pulis.
"Sampai bila la, area tuh kana tutup, Tuan?"
"Oh, area tu sekarang tidak bulih masuk untuk orang awam. Macam ini la, bagus kamu call kawan-kawan yang kerja area sana. Tanya kan status dorang & bila kamu boleh masuk kerja balik."
"Oritt, Tuan. Terima Kasih." (Kerja baik-baik Abang Pulis, basar Pahala biskita bekeraja demi untuk keselamatan orang awam seperi kami time bulan Ramadhan Al-Mubarak nih.)
Kancil-Vintage aku U-turn ke area bandar, buat phone call dgn semua org. Syukur Al'hamudillah semua orang selamat.
